تعريف العربجي

]السلام عليكم ورحمة الله وبركااااته



تعريف العربجي:
مخلوق بريء ...فاهم الدنيا غلط.. لا يعرف من الدنيا سوى العربجه ..وتفكيره وشلون يونس نفسه وكيف يصير مشهور ويشار له بالبنان


مرحلة ماقبل الدراسة:
منذ نعومة أضافره وبعكس البزران كلهم ..تلقونه ما يحب الرسوم المتحركه
ويموت مع افلام الرعب والمضاربات
ومايجيه نوم حتى يشوف المصارعه الحره ..


مرحلة الدراسة:في الابتدائي
تلقونه يمشي مع أكبر منه ، ودايم يضرب البزارين اللي اصغر منه
وتلقونه ياخذ فطور بعض الطلاب في الفسحه


واذا وصل المتوسط
تلقونه في آخر الفصل تحت المكيف ,, وموجهه هواء المكيف عليه بكرتون
واكره ماده عنده الانجلينزيوالرياضيات
واحسن مادة عنده الفنية
حيث انهم موهوبين بالرسم ( على الجدران ) وخاصة جدران مدارس البنات.


ومن مواصفات العربجي
أنه لايمكن يلبس تكميلة في حصة الرياضة... والسببانه يحب يلعب بسروال وفانيله وفي نفس الوقت يحب جدا هذه الحصة


وفي الثانوي
((من النادر جدا وصوله لهذه المرحله))لا يمكن تلقاه يتفسح مع الطلاب
وتلقاه على طول نايم بالفصل <<<< طبعاً كان سهران طول الليل في المذاكرة ههههههههه ..
ويطير النوم اول مايدق جرس الفسحة يبدأ الدوران مع الشلة داخل الفصول <<<< حرصا على تفقد احوال الرعية


تتكون ملابس العربجي وكشخته
من شماغ على الكتف بدون طاقية أو طاقية راميها ورا راسه وطبعا مربي له خناافس او قذله معتبره..
ويكون دايماً رافع طرف ثوبه بيده <<<<<< تعبيراً عن السيطرة على الوضع ... وإنه مهجد العالم
ولابد يكون السروال عريض حتى يرفرف أثناء المشي <<<<< و حبذا الاصفر لأنه يدل على الخبره في العربجه
ولا يتنازل العربجي في أي حال من الاحوال عن لبس الزبيريات أو الحذيان القديمة ( تكرموون ) ، ويعتبر لبس الجزمات عنده ضعف الشخصية ويدل على إنه ترك المضاربات

هواية العربجي
هوايه جيده وهي الجلوس قدّام البقالات والسجارة بيد والبيبسي باليد الثانيه
وإذا مرت عليه ددسن ودق بوري يرفع يده اللي فيها السجارة مسوي فيه <<<<<ومنكس الطاقيه

العربجي يموت بشي إسمه تفحيط
وأهم شي عنده في السياره هي القيرالعايدي وتكون مضلله ومهبطه
، وياهناته إذا مرت كامري إذا شافها يصير كأنه هندي شايف له بقره
وسوالفه كلّها عن المضاربات وعن المشاكل في الحارة ..
ويموووت إذا أحد قاله ( يا زاحف ) << << يعتقد انها رمز الرجولة

هههههههه

.....

اي شخص تلاحظون عليه كل هالاشياء تراه عربجي ههههههههههههههه [/b]